SIGAR

سیګار

د افغانستان د بیا رغاونې لپاره د ځانګړي مفتش (سیګار) ویبپاڼې ته ښه راغلاست. د سیګار اداره تفتیش او څیړنې ترسره کوي ترڅو د بیا رغاونې په پروګرامونو کې موثریت او اغیزمنتوب ته وده ورکړي. همدا راز نوموړې اداره د بیا رغاونې لپاره د امریکایي مرستو د ضایع کیدلو، درغلیو او بې ځایه استعمال په ګوته کوي او هم یې مخنیوی کوي.

د امریکا د متحدو ایالتونو کانګرس د سیګار اداره جوړه کړه ترڅو د افغانستان د بیا رغاونې پروژې او کړنې د یو خپلواک او حقیقی څار لاندې راولي. د ۲۰۱۱ کال د اګست له میاشتې راهیسې، د متحدو ایالتونو کانګریس له ۷۲ میلونو ډالرو څخه ډیرې بشري او د بیا رغاونې مرستې افغانستان ته ورکړې دي. دغه مرستې د افغان امنیتی ځواکونو د جوړونې، د ښه حکومتدارۍ د ودې، د پراختیايي مرستو د ترسره کولو او د مخدره موادو او د فساد په وړاندې د مبارزې د هڅو لپاره په کار اچول کیږي.

هاټ لاین (دشکایتونود اوریدلو اړیکه).د سیګاردهاټ لاین شمېره د درغلۍ، ضایع او بې ځایه استعمال په اړه شکایتونه راټولوي.تاسو کولای شیچې په ښکارهتوګه یا په رازاو یا هم په ناپیژندل شوې بڼه د معلوماتو راپور ورکړﺉ. که تاسو چیرې د خپل ځان په پیژندلو کې هوسایي احساسوﺉ او د خپل ځان په اړه معلومات ورکړﺉ نو دا به زمونږ وړتیا لاپسې زیاته کړي تر څو ستاسو اندیښنې په بشپړ ډول تعقیب کړو، په اړه یې نور معلومات راټول کړو او ارزونه یې وکړو. تحلیلګران د هر شکایت ارزونه کوي ترڅو معلوم کړي چې آیا نوموړې هغه د سیګار په مسؤلیتونو کې راځي که نه. که چیرې واوسي نو هغه مناسبو کارکوونکو ته سپارل کیږي ترڅو نوره څیړنه یې وشي. هغه اشخاص چې غواړې یو شکایت وړاندې کړي، کولای شي له لاندې لارو څخه له سیګار سره اړیکه ونیسي:

د افغانستان ګزځنده تیلفون : ۷۰۰۱۰۷۳۰۰ (۰)+۹۳

• ۳۱۸ - ۲۳۷ ۳۹۱۲ - Ext ۷۷۰۳ DSN
• SigarHotline@State.gov ایمیل:
• http://www.sigar.mil/investigation/hotline ویبپاڼه:

دري میاشتنۍ راپور. د امریکا د متحدو ایالتونو کانګرس د سیګار له ادارې څخه غواړي ترڅو یو درې میاشتنی راپور چمتو کړي چې د سیګار تفتیش او څیړنې په لنډه توګه راونغاړي. همدا راز نوموړې راپور د افغانستان بیا رغاونې ته په لنډه توګه کتنه کوي چي د مسؤلیتونو، لګښتونو، او له بیا رغاونې سره د اړوندو لګښتونو په اړه هم یو تفصیلی راپور رانغاړي. د سیګار ویبپاڼه د دغو راپورونو ژباړې په پښتو او دري ژبو هم لري.